Robert Burns Poems

Back to Poems Page

O KEN ye what Meg o’ the Mill has gotten,
An’ ken ye what Meg o’ the Mill has gotten?
A braw new naig wi’ the tail o’ a rottan,
And that’s what Meg o’ the Mill has gotten.


O ken ye what Meg o’ the Mill lo’es dearly,
An’ ken ye what Meg o’ the Mill lo’es dearly?
A dram o’ gude strunt in the morning early,
And that’s what Meg o’ the Mill lo’es dearly.


O ken ye how Meg o’ the Mill was married,
An’ ken ye how Meg o’ the Mill was married?
The priest he was oxter’d, the clark he was carried,
And that’s how Meg o’ the Mill was married.


O ken ye how Meg o’ the Mill was bedded,
An’ ken ye how Meg o’ the Mill was bedded?
The groom gat sae fou’, he fell awald beside it,
And that’s how Meg o’ the Mill was bedded.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.