Robert Burns Poems

Back to Poems Page

O STEER her up, an’ haud her gaun,
Her mither’s at the mill, jo;
An’ gin she winna tak a man,
E’en let her tak her will, jo.
First shore her wi’ a gentle kiss,
And ca’ anither gill, jo;
An’ gin she tak the thing amiss,
E’en let her flyte her fill, jo.


O steer her up, an’ be na blate,
An’ gin she tak it ill, jo,
Then leave the lassie till her fate,
And time nae langer spill, jo:
Ne’er break your heart for ae rebute,
But think upon it still, jo:
That gin the lassie winna do’t,
Ye’ll find anither will, jo.

Email This Poem to a Friend

Previous Poem | Next Poem

View Robert Burns:  Poems | Quotes | Biography | Books

Copyright © 2006 - 2010 Famous Poets And Poems . com. All Rights Reserved.
The Poems and Quotes on this site are the property of their respective authors. All information has been
reproduced here for educational and informational purposes.